Brauchtumspflege in Mundart

Na kaa Angsd, eiä bladd stärbd ned aus! Dat geit och in franksch - allärdiweil i länger mid aan Wismarer auf dä Bud'n khausd hob und däss hodd fei ganz schee lang nu nochgwirkd! Woar a a geila Zeid!

Allerdings sänn die langa Arm vo heid früh ehra a Nochwirgung vo Gesdern, i wor nu im Wold und hob mei Kubfm und denn Glascheiß goar aufgärberd, mächd hald mehra Blooch als wennsd glei aan gscheids Baamla färs Brennholz hossd! Naja, die gudn Schdämm hob i an Sächwerg noogforn zäm schneid'n. Abbä däs glaana Zeich kannsd ja a ned eifoch lieng lassn, wär ja zä schood drum.

Hab a a Bildla gschossen, do siechd mä, mid wos färn glaana Holz dass i mi OObloong hob.

http://www.pic-upload.de/view-9303709/B…ternet.jpg.html

Abbä Aans muss mä lassn, wi i dess olläs gleesn hob, hob i mi ganz schee amüsierd! Und nu wos fä olla die ka frängisch känna, wissd ä wos a Mamaladnamala is? Vill Schbass beim rädsln!

Scheena dooch nu
dugdug

Also wos a Metzenkopp sei soll, ich dibb amol auf aan dybb'n, der aan Schädl wie a Weifoss hodd? Wos maansd Rohölzündä?

Ach, Reinä, du maansd aan Greebs, bloos mid dennna, doo kenn i mi ned so aus welcha zäm essn san. Aber die annern glaana Dingerli haasn bei uns Sachänissen - wennsd des wördli ibersedsn dusd, wasd a warum die bei uns so haasn!

Übrings sochd dä Nämbächä:

I leb do, wo die Hoosn Haasn haasn
und die Haasn Hoosn haasn.

Mä sichd bzw. liesd si
dugdug

Ja no, Gedefän, i mooch ja kaan die freid väderm, däswechä verrod i erschd amol nix. I selbä wor ja a zäerschd bei aam Schdummbäsn , bis i mid'm Paule delefonierd hob, der had mi nacherdsla aufglärd!

Abbä edzerdla hob i grod a Gedichd nu gfunna, fo aan oldn Frangn aus Bambärch, und schdells amol zä allgemeina Belusdichung und zäm Nochdeng'n do rei:

"""Froong üwa froong

von Gerhard C. Krischker

(Bamberg)

Weä maansdn hodd unnän dom gäbaud

blööda frooch weäsd soong

deä kaisa heinrich

un du glabbsd wirglich

deä hodd aa bloos an aandsiggn

fo denna drümmäschdaa

än dombärch naufgschlaafd

un di old hofhaldung

weä maansdn hodd di haufn breddä gsäächd

wu - froochi - homm di maurä gäwoond

didi noi residens nogeschdälld homm

wunoo is deä kabbo mid saina loid an saufn ganga

o däm oomd wus olda rodhaus fäddich woä

weä glabbsdn hodd denna bauloid dsä brooddsaid

iän brässogg un a biä gäbrochd

di hailich kunigunde fälaichd

deä bischof fo erdal

hodd äs gronknhaus ärrichd

eä alla?

di schönborn schloss seehof

di homm doch goä ned gäwissd

wi a senggblai aussichd

baim grossn hochwassä domols

is di roggoggo-seebrüggn aigschdöäddsd

sunsd niggs?

Bambärch is foll

fo schööna hoisä un kärng

weä hoddn di alla gäbaud

un weä hoddn däs dsäledsd

alläs dsooln müssn

naidi büchä wännsd schausd

könnäsd maana

a kaisä un a boaä bischöf '

A haufn froong

un nirgends a andwoädd"""

So, doo könnd ä sääng, miä Frangn hom uns a scho awengala Gedang'n ibä dära Gschichdnschreibärei in unnärä Zeid gmachd!

Übrings, egool wer nä die Schdaanä naufgäbrochd hod, schee is des Bambärch fei scho! Wenn dä mol in die Gegnd kumma sollerd, sochd mä "Bescheid", ich koo eich a a mol a Fiehrung mach'n.

Vüll Schbass nu
dugdug

Edit: hob mi väschriem!

na edzädla gädds ja los Mario, du kannsd an ja ganz schee Angsd machn. Bloos wechä amol ned glei midgrieng, wos die Bulln vo aan wölln, also naa sin die abbä a schnell am Oozuch!

Doo gehds bei uns na scho a weng gmüdliä zuu! Doo wenn anä beim Wärd nei geehd, brauchd dä bloos zä soong: "Wädschafd! A U!" Und scho grigsd dei Seidla! Und wenn anä nei di Bäng geehd, na brauchd dä bloos zä soong: "Ei, gib mä mol den Schoddä vo meim Kondo!" Und scho grigsd dei Geld ohna Gfoohr zä laafm, umbuusd zä wärn!

Übrings bräuchd Ihr doo ausm Nordn goor nix soong, a Ihr aus dä Middn, und neddamol Ihr Niedä- und Ihr Obäbayän - in Frang'n isses eifoch am Besdn! Wenn i ibbärlech, däs Ihr olla ka gscheids Biä zä dringn hobd und nu däzu ka gscheida Auswoohl! Na, doo möchäd i beschdimmd ned dauschn!

Also edzädla hob i mä gnuch die Fingä grumm gmachd,
in däm Sinn
a scheens Feiäoomdbiä!